Kadastr agentligi tomonidan, viloyat hududiy boshqarmalariga topshirilgan UUA (dron)larining barchasi markazga jamlandi, ularning umumiy soni 52 donani tashkil etdi.  Shu bo‘yicha, UUAlari texnik ko‘rikdan o‘tkazildi.

Hududiy boshqarmalarning dronlar parkini yangi dronlar bilan to‘ldirish bo‘yicha, markaz tomonidan Dji Air 3 flay mor combo 14 (100%) dronlari sotib olish ishlari amalga oshirildi.

Geografik obyektlarning nomlarini davlat ekspertizasidan o‘tkazish uchun 32 497 ta takliflar kelgan, shundan, qonun hujjatlariga nomuvofiq deb topilgan takliflar 15 769 ta yoki 48,5%, qonun hujjatlariga muvofiq bo‘lgan takliflar 16 728 ta yoki 51,5%ni tashkil etdi. Shuningdek, Xalq deputatlari kengash qarorlari bilan tasdiqlangan 11 067 ta geografik obyektlarning nomlari davlat reyestriga kiritildi.

6 oy davomida kadastr idoralari tomonidan ko‘rsatilgan kadastr xizmatlari 1 391,6 mingtani tashkil etib, o‘tgan yilning mos davriga nisbatan (928,1 mingta) +463,5 mingtaga yoki 150%ga oshgan.

Respublikaning jami 44 892,4 mln gektar yer maydonidan bugun kunda, 43,2 mln gektar (96,2 foizi) “Kadastr va ro‘yxatdan o‘tkazishning integratsiyalashgan axborot tizimi”da elektron xaritasi yaratilib, kadastr axborot (UZKAD) tizimiga kiritildi.

Ayni damda, O'zbekiston Milliy matbuot markazi binosida "Kadastr agentligi tomonidan 2024-yilning 6 oyi davomida amalga oshirilgan ishlar"  (Davlat kadastrlari palatasi, “Geoinnovatsiya markazi”DUK, “Geoinfocom” DM) mavzusida matbuot anjumani o‘tkazilmoqda.

Hududlarda yer nazorati tadbirlari

Fazoviy maʼlumotlar milliy infratuzilmasini rivojlantirish bo‘yicha muvofiqlashtiruvchi kengash yig‘ilishi bo‘lib o‘tdi.

Vazirlar Mahkamasining 2022-yil 26-oktyabrdagi 620-son qarori bilan tasdiqlangan “Fazoviy ma’lumotlar infratuzilmasini yuritish tartibi to‘g‘risidagi nizom” va uning 21-ilovasiga muvofiq Davlat kartografiya geodeziya fondi tomonidan Kartografiya-geodeziya davlat kadastri bo‘yicha shakllantirilgan tematik qatlamlar atributiv ma’lumotlarining umumiy soni 173 864 tani tashkil etadi.

Davlat kartografiya-geodeziya fondi tomonidan 2024 yilga qadar 139 413 ta material (ma’lumot)lar metama’lumotlar geoportaliga joylashtirilgan. Shuningdek joriy yilning 6-oyi mobaynida Geodeziya va kartografiyaga doir 2 378 ta material (ma’lumot)lar elektron ko‘rinishga keltirilib, metama’lumotlar geoportaliga joylashtirildi.

Joriy yilning I yarim yilligida korxona tomonidan O‘zbekiston Respublikasining ochiq elektron kartografik asosi (bazaviy xarita)ni yaratish hamda Davlat kadastrlari yagona tizimi va Milliy geografik axborot tizimlarini 1:25 000 masshtab kesimidagi ochiq elektron kartografik asos bilan ta’minlash maqsadida Nukus, Orol akvatoriyasi, Qoraqalpog‘iston obyektlarining jami 69 071.8 kv.km maydonida (721 ta nomenklatura) 1:25 000 masshtabdagi ochiq foydalanishdagi topografik xaritalarini yaratish va nashrga tayyorlash ishlari amalga oshirildi.

Korxona tomonidan 2022-2023 yillarda Qoraqalpog‘iston Respublikasi, 11 ta viloyat va Toshkent shahrining geografik obyektlar nomlari interaktiv raqamli xaritalari ishlab chiqilgan